Beth mae hyn yn ei olygu i mi?

Gallech gael eich talu'n well...

Yn 2002/3, roedd 99% o'r bobl yn Lloegr a gychwynnodd ar brentisiaethau mewn peirianneg yn ddynion, a 97% o'r bobl a gychwynnodd ar brentisiaethau mewn addysg a gofal blynyddoedd cynnar yn fenywod. Yn aml, mae menywod yn dueddol o weithio mewn swyddi sy'n talu llai o gyflog na swyddi a gyflawnir yn draddodiadol gan ddynion. Ar gyfartaledd, telir £12.88 yr awr i ddynion sy'n gweithio'n llawn amser, tra bo menywod ond yn derbyn £10.56 - 18% yn llai!

Dyma rai enghreifftiau o sut y mae cyflogau'n cymharu ym mhob gyrfa:

Gyrfa	Newydd hyfforddi	Profiadol	Uwch
Plymio	£18,271	£21,391	£23,829
Technegydd peirianneg trydanol	£12,000	£18,000	£30,000
Gweithredydd TG	£12,000	£30,000
Rheolwr rhwydwaith TG	£18,000	£40,000
Technegydd adeiladu	Cychwyn ar £10,000 ac yn codi	i £17,000 ar ôl ennill cymwysterau	£20,000-£27,000

Gall cyfraddau cyflog fod yn uwch mewn ardaloedd gyda mwy o alw.

...am wneud yr hyn rydych chi'n caru ei wneud.

Mae gyrfaoedd ym maes peirianneg neu adeiladu yn rhoi cyfle i chi effeithio ar y byd rydyn ni'n byw ynddo, tra gall plymio a thechnoleg gwybodaeth alluogi i chi wella'r ffordd rydyn ni'n byw. Beth bynnag, byddwch yn ennill gwybodaeth ac arbenigedd ymarferol mewn maes y mae gennych ddiddordeb ynddo ac yn cael y cyfle i fod yn greadigol.

Byddwch yn wynebu heriau newydd bob dydd ac efallai y byddwch yn cael cyfle i ddefnyddio'ch sgiliau ledled y byd. Gan fod galw cyson am y math hwn o waith, mae'n debyg y bydd y gwaith yn ddiddiwedd. Ond mae mwy na hyn. Oherwydd y galw hwn, mae'n debyg y byddwch yn cael lwfans hyfforddi all eich cynnal wrth i chi ddysgu eich crefft.

Hefyd, mae'r cymwysterau y byddwch yn eu hennill yn golygu y gallwch weithio'n hunan-gyflogedig. Bydd hyn yn rhoi'r cyfle i chi fwynhau eich gwaith, heb esgeuluso eich bywyd.